១-ល្ហុង
ល្ហុងមានផ្ទុកវីតាមីនC ច្រើនជាងទ្វេដង ធៀបនឹងផ្លែក្រូចពោធិ៍សាត់។ បន្ទាប់ពីបានធ្វើការពិសោធន៍ទៅលើឈាមមនុស្សជាង ១៣.០០០នាក់ ក្រុមអ្នកវិទ្យាសាស្ត្រនៃមហាវិទ្យាល័យសាន់ហ្វ្រាន់ស៊ីស្កូ សហរដ្ឋអាមេរិក បានរកឃើញថា ស្ត្រីដែលមានកម្រិតវីតាមីន C នៅក្នុងរាងកាយទាប គឺងាយនឹងកើតជំងឺរលាកថង់ប្រមាត់។ ល្ហុងទំហំមធ្យមមួយផ្លែ គឺអាចផ្ទុកវីតាមីន C បាន ១៨៨ មិល្លីក្រាម ហើយនេះគឺជាប្រភពផ្តល់ជីវជាតិ និងថាមពលដ៏អស្ចារ្យសម្រាប់ពួកគេ។
២-សណ្តែកសៀង
សណ្តែកសៀង អាចជួយកាត់បន្ថយកម្រិតកូឡេស្តេរ៉ូល និងធ្វើឲ្យរឹងមាំ។ សារជាតិ អៃសូហ្វឡាវុន ក្នុងសណ្តែកសៀង គឺជីវជាតិសំខាន់ដែលនាំមកនូវប្រសិទ្ធភាពល្អបែបនេះ។ តាមការណែនាំរបស់គ្រូពេទ្យ ការបរិភោគសណ្តែកសៀងឲ្យបាន៨០ក្រាម ជារៀងរាល់ថ្ងៃ នឹងមានប្រយោជន៍ល្អចំពោះប្រព័ន្ធឆ្អឹងក្នុងរាងកាយ ជាពិសេសឆ្អឹងខ្នង។
៣-បន្លែបៃតង
អាហារប្រភេទនេះ អាចជួយទប់ទល់នឹងជំងឺពុកឆ្អឹងដែលស្ត្រីតែងតែជួបប្រទះនៅពេលពួកគេមានវ័យចំណាស់។ អ្នកវិទ្យាសាស្ត្របានឲ្យដឹងថា ក្រៅពីកាល់ស្យូមនិងវីតាមីន D នោះ វីតាមីន K ក៏មានប្រសិទ្ធភាពការពារឆ្អឹងផងដែរ។ ការពិសោធន៍បង្ហាញថា ស្ត្រីដែលបានបរិភោគជីវជាតិ K ប្រមាណជា ១០៩ មិល្លីក្រាម រាល់ថ្ងៃនឹងអាចកាត់បន្ថយឱកាសកើតជំងឺពុកឆ្អឹងបានរហូតដល់ ៣០ភាគរយ ធៀបនឹងធម្មតា។ វីតាមីន K គឺមានច្រើននៅក្នុងបន្លែពណ៌ខៀវចាស់ដូចជាស្ពៃ ដើមផ្កាស្ពៃខៀវ ។ល។ ៕
No comments:
Post a Comment