ជ្រើសរើស​របៀប​ទទួល​ទាន​ដំណេក​ឈ្លាសវៃ​

តាម​ការស្រាវជ្រាវ​កាលពីពេល​ថ្មីៗ​នេះ ក្រុម​អ្នកវិទ្យាសាស្ត្រ បាន​អះអាងថា ការ​ទទួលទានដំណេក​ច្រើន បង្ក​ជា​ឥទ្ធិពល​អសកម្ម​មិនតិច​តួច​ឡើយ​ចំពោះ​សុខភាព​។ មិនតែប៉ុណ្ណោះ ការស្រាវជ្រាវ​ទាំងនេះ នៅ​ចាត់ទុកថា អ្នក​ដេក​លើសពី​ប្រាំបី​ម៉ោង​ក្នុង​មួយថ្ងៃ ប្រឈម​នឹង​ការ​ថយ​អាយុ​។​
​បរិមាណ​សមស្រប ប្រាំពីរ​ម៉ោង​ក្នុង​មួយថ្ងៃៈ​

​អ្នកប្រាជ្ញ​ពីររូប គឺ Thomas Edison និង Nikola Tesla បាន​អះអាង​ដោយ​ម៉ឺងម៉ាត់​ថា អ្នក​ដេក​លើសពី​ប្រាំបី​ម៉ោង​ក្នុង​មួយថ្ងៃ ជា​អ្នកមាន​ជំងឺ និង​ពុំមាន​ខួរក្បាល​ច្នៃប្រឌិត​។ ការស្រាវជ្រាវ​វិទ្យាសាស្ត្រ​ថ្មីៗ​នេះ បានបញ្ជាក់​ភាពត្រឹមត្រូវ​របស់​អំណះអំណាង​ខាងលើ​។​

​សាស្ត្រាចារ្យ Daniel Kripke នៅ​មហាវិទ្យាល័យ​កាលីហ្វ័រ​ញ៉ា សាន់​ឌី​យេ​ហ្គោ​(​អាមេរិក​) ជា​មនុស្ស​ម្នាក់​ក្នុងចំណោម​មនុស្ស​ឈានមុខ​គេ ក្នុង​ដំណើរការ​ស្រាវជ្រាវ​អំពី​ផលវិបាក​របស់​ការ​ដេក​ច្រើន​។ លោក​បាន​ចំណាយ​កម្លាំង​យ៉ាង ច្រើន ដើម្បី​ដំណើរការ​ស្រាវជ្រាវ​មនុស្ស ១.១០០.០០០​នាក់ មាន​អាយុ​ពី​៣០-១២០​ឆ្នាំ សំដៅ​ស្វែងរក​ទំនាក់ទំនង ហេតុ​និង​ផល រវាង​ពេលវេលា​ទទួលទានដំណេក និង​អាយុ​របស់​មនុស្ស ។ លទ្ធផល​ស្រាវជ្រាវ បង្ហាញថា​៖ មួយថ្ងៃ​ត្រូវការ​ដេក​តែ ៦,៥ ម៉ោង គឺ​គ្រប់គ្រាន់ ដើម្បី​រក្សា​ឱ្យ​សរីរាង្គ​មាន​សុខភាព​មួយ​ល្អ​។ បរិមាណ​សមស្រប​បំផុត សម្រាប់​អ្នក​ចង់​អាយុ​វែង គឺ​ប្រាំពីរ​ម៉ោង​ក្នុង​មួយថ្ងៃ​។​ហើយ​អ្នក​ដែល​ដេក​"​លើស​កម្រិត​"​ប្រាំបី​ម៉ោង​ក្នុង​មួយថ្ងៃ ប្រែជា​មានការ​ប្រឈម​បាត់​បង់ជីវិត​ខ្ពស់ជាង ១២​ដង ធៀប​នឹង​អ្នក​ដេក "​គ្រប់​កម្រិត​" ប្រាំពីរ​ម៉ោង​ក្នុង​មួយថ្ងៃ​។​

​ក្រុម​ស្រាវជ្រាវ​នៅ​មហាវិទ្យាល័យ​កាលីហ្វ័រ​ញ៉ា ដឹកនាំ​ដោយ​សាស្ត្រាចារ្យ Daniel Kripke ក៏​សង្កេតឃើញថា អាកា​រៈ​ដេក​ច្រើន​មាន​ពាក់ព័ន្ធ​ដល់​បាតុភូត​មាន​ឈ្មោះថា "​ឈប់​ដកដង្ហើម​ក្នុង​ពេលដេក​" , ដែល​នេះ​ជាការ​ស្តែងចេញ​ដំបូង​របស់​អាកា​រៈ​ជំងឺ​។ បាតុភូត "​ឈប់​ដកដង្ហើម​ក្នុង​ពេលដេក​" ច្រើនតែ​ប្រព្រឹត្តឡើង​តាម​ខួប និង​អូសបន្លាយ​ប្រមាណ​ប៉ុន្មាន​សិប​វិនាទី​។ មូលហេតុ ដោយសារ​បណ្តា​ប្រតិកម្ម​របស់​ប្រព័ន្ធ​សរសៃប្រសាទ​៖ នៅ​មនុស្ស​ជាច្រើន​ដំណេក​លង់​ជ្រៅ​នឹង​បង្ក​ជា​បាតុភូត​ឈប់​ដកដង្ហើម​មួយស្របក់​, ពេលនោះ​សរីរាង្គ​នឹង​ប្រតិកម្ម​ស្វ័យការពារ​ដោយ​វិធី​បង្កើតជា​ដំណេក​មិន​ស្កប់ ដើម្បីឱ្យ​សាច់ដុំ​មាន​គ្រប់​កម្រិត​តឹង​ប្រឆាំង​តប​បាតុភូត​ឈប់​ដកដង្ហើម​មួយស្របក់​។ លទ្ធផល​គឺ​ដំណេក​មិន​ស្កប់​នឹងធ្វើ​ឱ្យ​អូសបន្លាយ​ពេលវេលា​ដេក ដែល​អាច​ដល់​១០​ម៉ោង​ក្នុង​មួយថ្ងៃ​។ ក្រោយពេល​ភ្ញាក់ អ្នក​ទាំងនេះ​នៅតែមាន​អារម្មណ៍​ខ្វះ​ដេក​។​

​គ្រោះថ្នាក់​របស់​ការទទួល​ទាន​ដំណេក "​ហួស​កម្រិត​"​ៈ​
​តាម​លទ្ធផល​ស្រាវជ្រាវ​ត្រូវ បានប្រកាស​លើ​ទស្សនា​វ​ដ្តី Psychosomatic Medicine លេខ​ចេញ​ថ្មី​បំផុត​, អាកា​រៈ​ដេក​ហួស​កម្រិត និង​ដេក​មិន​លក់ គឺ​តែមួយ - វា​ជាការ​ស្តែងចេញ​នៅ សណ្ឋាន​ពីរ​ផ្ទុយគ្នា​របស់​រោគសញ្ញា​ច្របូកច្របល់​ដំណេក ។ ដូច្នេះហើយ វា​សុទ្ធតែ​គ្រោះថ្នាក់​ដូចគ្នា​។​
​តាម​ការស៊ើបអង្កេត​មួយ ដែល​មុខសញ្ញា​ជា​ពួក​អ្នក​ដេក​ច្រើន​ជាប្រចាំ​(​លើស​ប្រាំបី​ម៉ោង​ក្នុង​មួយថ្ងៃ​) បាន​ឈានដល់​ការ​សន្និដ្ឋានថា​៖ ភាគច្រើន​ក្នុង ចំណោម​ពួកគេ​សុទ្ធតែ​ជួបប្រទះ​នូវ​ភាពស្មុគស្មាញ​ខាង​ផ្នែក​ផ្លូវចិត្ត​។ ឧទាហរណ៍ ដូចជា​ពួកគេ​ងាយ​ខឹងច្រឡោត ឬ​មានការ​សម្លឹងមើល និង​ទស្សនៈ​ទុទិដ្ឋិនិយម អំពី​ជីវិត និង​អ្នក​នៅ​ជុំវិញ​។ តាម​ការបកស្រាយ​រប​ស់​ពួក​អ្នកវិទ្យាសាស្ត្រ នោះ​គឺ​ដោយសារ​ពេលវេលា​ដេក​ច្រើន​ហួស បាន​មាន​ឥទ្ធិពល​ទៅដល់​សារជាតិ​នាំ បញ្ជូន​សរសៃប្រសាទ​នៅ​ខួរក្បាល បណ្តាលឱ្យ​សរីរាង្គ​ងាយ​ក្លាយជា "​ជនរងគ្រោះ​" របស់​ជំងឺ​ទាំងឡាយ ដូចជា​ទ្រុឌទ្រោម​សរសៃប្រសាទ រោគ​ផ្លូវចិត្ត ស្ត្រេ​ស​...​។​

​លោក​វេជ្ជបណ្ឌិត Charles Bae អ្នកឯកទេស​សរសៃប្រសាទ​វិទ្យា​នៅ​មជ្ឈមណ្ឌល​ស្រាវជ្រាវ​អា​ការៈច្របូកច្របល់​ដំណេក Cleveland នៅ Ohio អាមេរិក បានឱ្យដឹងថា "​មនុស្ស​គ្រប់គ្នា​សុទ្ធតែ​ចាត់ទុកថា ដើម្បី​ធ្វើឱ្យ​រសាយ​ភាព​នឿយហត់ ល្អ​បំផុត​គួរ​ទៅ​ដេក​។ ការពិត​នោះ ទស្សនៈ​បង្កើន​ពេលវេលា​ទទួលទានដំណេក សំដៅ​ទទួលបាន​សុខភាព​ល្អ គឺជា​ការភ័ន្តច្រឡំ​ទាំងស្រុង​។ ពួកគេ​មិន ដឹង​ច្បាស់​ថា ការ​ដេក​ច្រើន​ហួស​ក៏បង្ក​ជា​គ្រោះថ្នាក់​ស្មាន​មិន​ដល់​។ ដេក​ច្រើនពេក​អាច​បណ្តាលឱ្យ​ខ្ជិលច្រអូស សរីរាង្គ​ទ្រុឌទ្រោម អស់កម្លាំង ស្មារតី​មិន​ភ្លឺស្វាង និង​ថែមទាំង​ធ្វើឱ្យ​ថយចុះ​កម្លាំង​ប្រាជ្ញា​" ។​

​ពុំ​ត្រឹមតែ​ប៉ុណ្ណឹង​ទេ ភស្តុតាង​ទាំងឡាយ នៅ​បង្ហាញឱ្យឃើញថា ជាង​៥០​ភាគរយ​ក្នុងចំណោម​អ្នក​ដេក "​ហួស​កម្រិត​" ជា​មុខសញ្ញា "​វាយប្រហារ​" របស់​ជំងឺ​ដ៏​គ្រោះថ្នាក់​មួយចំនួន​ដូចជា hipersomnia កកឈាម​ខួរក្បាល សរសៃឈាម​បេះដូង អ័រម៉ូន​...​។​

ការស្រាវជ្រាវ​របស់​សាស្ត្រាចារ្យ Eve Van នៅ​មហាវិទ្យាល័យ​ឈី​កា​ហ្គោ​(​អាមេរិក​) បានចង្អុលបង្ហាញ​ថា ដេក​មិន​គ្រប់គ្រាន់ នឹង​នាំ​ដល់​ការប្រែប្រួល​ក្នុងការ​បំប្លែង glucoza មូលហេតុ​មួយ​ក្នុងចំណោម​មូលហេតុ​បង្ក​ជំងឺ​ទឹកនោមផ្អែម​។ ជាក់ស្តែង​អ្នក​ដេក​មិន​គ្រប់​ប្រាំមួយ​ម៉ោង​ក្នុង​មួយថ្ងៃ នោះ​គ្រោះថ្នាក់​កើត​ជំងឺ​ទឹកនោមផ្អែម​ខ្ពស់ជាង​ពីរដង​។ តែ​ប្រសិន​ពេលវេលា​ដេក​លើស​ប្រាំបី​ម៉ោង​ក្នុង​មួយថ្ងៃ នោះ​ការ​ប្រឈម​កើត​ជំងឺ​ទឹកនោមផ្អែម​ខ្ពស់ជាង​ដល់​បី​ដង​។​
​ការស្រាវជ្រាវ​មួយ​ផ្សេងទៀត​របស់​ពួក​អ្នកវិទ្យាសាស្ត្រ​នៅ​មហាវិទ្យាល័យ​វេជ្ជសាស្ត្រ Stanford (​អាមេរិក​) បង្ហាញថា ដំណេក​វែង​ជ្រុល អាចធ្វើឱ្យ​ច្របូកច្របល់​ភាព​តុល្យភាព​អ័រម៉ូន ធ្វើឱ្យ​កើន​គ្រោះថ្នាក់​កើត​ជំងឺមហារីក​។ ទន្ទឹម​នោះ អ្នក​ដេក​ជា​មធ្យម​លើសពី ១០​ម៉ោង​ក្នុង​មួយថ្ងៃ ទោះបី​បុរស ឬ​ស្ត្រី សុទ្ធ​តែមាន​អត្រា​បាត់បង់​ជីវិត​ខ្ពស់ ដោយសារ​ពេលវេលា​ដេក​ច្រើន​ហួស ធ្វើឱ្យ​កើន​កម្រិត​កក​ខាប់​របស់​ឈាម ងាយ​បណ្តាលឱ្យ​កើត​ជំងឺ​ពាក់ព័ន្ធ​ដល់​ប្រព័ន្ធ​ឈាម​ឡើង​ខួរក្បាល ក្នុងនោះ មាន​បាតុភូត​ស្ត្រូ​ក ខ្យល់គរ ៕