.jpg)
១-ជំនួយរំលាយអាហារៈ
ដោយសារសម្បូរ rutin, beta- Carotene, វីតាមីន B និងជាពិសេសបរិមាណវីតាមីន P ច្រើនបំផុតក្នុងបណ្តាបន្លែ, ហេតុនេះប៉េងប៉ោះ មានឥទ្ធិពលការពារសរសៃឈាម, បន្ថយសម្ពាធឈាម, ជំនួយរំលាយអាហារ ។
២-ការពារសរសៃឈាមបេះដូងៈ
សារជាតិ lycopene ក្នុងប៉េងប៉ោះ ផ្ទុកពពួកវីតាមីន និងសារជាតិរ៉ែ មានឥទ្ធិពលការពារសរសៃឈាម, ធ្វើឱ្យថយចុះគ្រោះថ្នាក់របស់ជំងឺសរសៃឈាមបេះដូង។
៣-បង្ការមហារីកៈ
សារជាតិ lycopene នៅមានលទ្ធភាពអុកស៊ីតកម្មពិសេស ដែលអាចកម្ចាត់ពពួកម៉ូលេគុលសេរី និងអាចការពារកោសិកាទប់ស្កាត់ដំណើរការប្រែប្រួលរបស់ជំងឺមហារីក។ ប៉េងប៉ោះពុំត្រឹមតែមានឥទ្ធិពលបង្ការ ឬបញ្ចៀសជំងឺមហារីកក្រពេញប្រូស្តាតប៉ុណ្ណោះទេ តែនៅអាចធ្វើឱ្យថយចុះការប្រឈមកើតជំងឺមហារីកមួយចំនួនទៀត ដូចជាមហារីកក្រពេញលំពែង មហារីកពោះវៀន មហារីកបំពង់ក មហារីកដោះ... ។
៤-ប្រឆាំងជរាភាពៈ
វីតាមីន C ក្នុងប៉េងប៉ោះ មានឥទ្ធិពលបំបាត់ភាពស្រេក, ជំនួយរំលាយអាហារ, ធ្វើឱ្យត្រជាក់ឈាម, សម្រួលថ្លើម , បញ្ចុះសម្ពាធឈាម។ អាស្រ័យហេតុនោះ ប៉េងប៉ោះជាអាហារជំនួយការព្យាបាលយ៉ាងល្អសម្រាប់អ្នកមានជំងឺលើសឈាម ឬជំងឺតម្រងនោម។ ទទួលទានប៉េងប៉ោះច្រើនមានឥទ្ធិពលប្រឆាំងជរាភាព, ជួយឱ្យស្បែកសដូចធម្មជាតិ ។
៥-ល្អសម្រាប់អ្នករលាកតម្រងនោម
ក្នុងប៉េងប៉ោះ នៅមានសារជាតិទឹកច្រើន សម្រួលដល់ការបត់ជើងតូច ហេតុនេះក៏សមស្របសម្រាប់អ្នករលាកតម្រងនោមទទួលទាន ៕
No comments:
Post a Comment