ខាងក្រោមនេះជាចម្លើយរបស់គ្រូពេទ្យសាកលវិទ្យាល័យតិចសាស់ជំនាញខាងផ្នែកសាច់ដុំវិទ្យាពាក់ព័ន្ធនឹងដើមទ្រូង។
ជាធម្មតា គ្រាប់សណ្តែកសៀង មានតុល្យភាពសារជាតិអេស្ត្រាចេន ដូចគ្នានឹងអាហារដទៃទៀតដែរ ក៏ប៉ុន្តែពេលណាសមាសភាពសំខាន់ដូចជា អ៊ីសូហ្វ្រាវ៉ូន (សារធាតុម្យ៉ាងដែលជួយទប់ស្កាត់ប្រសិទ្ធភាពរបស់អេស្ត្រូចេន ក្នុងការភ្ងោចដល់ការលូតលាស់នៃកោសិកាមហារីក) ញែកចេញពីគ្នា ធ្វើឲ្យតុល្យភាពអ័រម៉ូននឹងស្រកស្រុតចុះមួយរំពេច។
ដូចនេះ យើងសូមណែនាំ ក្រុមស្ត្រីដែលមានអ័រម៉ូនលំអៀង ទៅរករោគមហារីកសុដន់ ឬនរណាក៏ដោយដែលកំពុងមានអត្រាប្រឈមនឹងកើតរោគមហារីកសុដន់នោះ គួរមានការប្រយ័ត្នប្រយែងក្នុងបរិមាណ ដែលត្រូវបរិភោគជាមុនសិន ព្រោះលទ្ធផលការសិក្សាពាក់ព័ន្ធនឹងរឿងនេះ នៅមិនទាន់មានលក្ខណៈច្បាស់លាស់នៅឡើយទេ។
នៅក្នុងរបាយការណ៍មួយ បានសរសេរថា ការទទួលទានសណ្តែកសៀង នឹងធ្វើឲ្យមានសុខភាពល្អតែផ្ទុយទៅវិញ គេបែរជាឃើញមានរបាយការណ៍មួយផ្សេងទៀតចេញមកក្រើនរំឭកថា សារជាតិអេស្ត្រូចេន នៅក្នុងសណ្តែកសៀងអាចបង្កគ្រោះថ្នាក់ដល់សុខភាព។ ដូច្នេះដើម្បីសុវត្ថិភាព យើងសូមក្រើនរំឭកក្រុមស្ត្រីប្រឈមឲ្យមានការប្រុងប្រយ័ត្នក្នុងការទទួលទានសណ្តែកសៀង គួរតែជ្រើសរើសទទួលទានតៅហ៊ូ និងម្រះអាចម៍សត្វ ដែលអាហារទាំងពីរមុខនេះ មានអត្រាប្រឈមនឹងរោគមហារីកសុដន់ក្នុងកម្រិតទាបបំផុត។
សម្រាប់អ្នកដែលគ្មានប្រវត្តិ ឬកន្លងមក មិនធ្លាប់ប្រឈមនឹងរោគមហារីកសុដន់នោះទេ គួរមានការប្រយ័ត្នប្រយែងដូចគ្នា ជាពិសេសពពួកសណ្តែកសៀង ដែលមានការកែច្នៃច្រើនដងគួរតែចៀសវាង ហើយងាកមកជ្រើសរើស យកពីប្រភពធម្មជាតិត្រង់ៗវិញទើបប្រសើរ ព្រោះនៅក្នុងនោះមានប្រូតេអ៊ីនចាំបាច់ដល់រាងកាយគ្រប់គ្រាន់ហើយថែមទាំងជាជម្រើសល្អបំផុតសម្រាប់អ្នកមិនទទួលទានសាច់ទៀតផង៕
No comments:
Post a Comment