.jpg)
ពណ៌លឿងស្រស់របស់ការ៉ុត បានមកពីបេតាការ៉ូទីន ដែលជាសារជាតិម្យ៉ាងនៅក្នុងក្រុមការ៉ូទីន ដែលរាងកាយអាចបំប្លែងជាវីតាមីន C ។
ដូច្នេះតើអាចការពាររោគមហារីកនេះបានដោយរបៀបណា?
នៅក្នុងឆ្នាំ១៩៨១ លោកវេជ្ជបណ្ឌិត រីឆាត ឆាគែល (Richard Chakell) អ្នកជំនាញផ្នែករោគឆ្លងពីសាកលវិទ្យាល័យតិចសាស់ (អាមេរិក) និងក្រុមការងារបានប្រមូលទិន្នន័យពីប្រជាពលរដ្ឋ ២.០០០ នាក់ ដោយស្រាវជ្រាវថយក្រោយ ទៅកាន់ឆ្នាំ១៩៥៧ថា តើពួកគេបានបរិភោគអាហារអ្វីខ្លះក្នុងចំនួន ១៩៥ ប្រភេទដែលបានកំណត់ទុក និងមាននរណាខ្លះកើតរោគមហារីកសួត។
លទ្ធផលស្រាវជ្រាវ បានរកឃើញថា អ្នកបរិភោគអាហារដែលមានជាតិ បេតាការ៉ូទីនច្រើន អាចជួយកាត់បន្ថយអត្រាប្រឈមនឹងរោគមហារីកសួត ក្នុងនោះទោះបីអ្នកជក់បារីច្រើនឆ្នាំហើយក៏ដោយចុះ។
ចំណែកអ្នកបរិភោគអាហារ ដែលមានជាតិបេតាការ៉ូទីនតិចបំផុត និងប្រឈមរោគមហារីកសួតច្រើនជាងអ្នកដែលបានបរិភោគច្រើនបំផុត ដល់៧ដងឯណោះ។ ក្រៅពីនេះ ក្រុមពិសោធន៍រកឃើញទៀតថា អ្នកដែលឈប់ជក់បារី ២-៩ ឆ្នាំ តែបានទទួលសារជាតិការ៉ូទីន ក្នុងកម្រិតទាបនិងប្រឈមជាមួយជំងឺមហារីកបំពង់អាហារ ខ្លាំងជាងអ្នកដែលបានបរិភោគផ្លែឈើ ដែលមានជាតិការ៉ូទីនខ្ពស់រហូតដល់ ៥ ដងទៀតផង។
ក្នុងមើមការ៉ុតទម្ងន់ ១០០ក្រាម មានការ៉ូទីន ៣,២៦ មិល្លីក្រាម។ គេបានណែនាំថា ការទទួលទានមើមការ៉ុតក្នុងមួយថ្ងៃមួយមើម អាចការពារជំងឺមហារីកសួតបាន។ លើសពីនេះទៀត ក៏នៅមានវីតាមីន A វីតាមីន B6 វីតាមីន C និងកាកសរសៃអាហារទៀតផង។ ចំណែកប្រយោជន៍ដែលទទួលបានវិញ ក្នុងរឿងសុខភាព ជួយបង្កើតខ្លាញ់នៅក្នុងថ្លើម ជួយសម្រួលការងារថ្លើមបានកាន់តែល្អ និងជួយព្យាបាលអាការស្រវាំងភ្នែក។
មើមការ៉ុតដែលមានគុណភាពល្អ គឺមើមមិនង សម្បុរស្រស់គ្មានស្នាមជាំ។ គួររក្សាការ៉ុតក្នុងទូទឹកកកឲ្យឆ្ងាយពីផ្លែប៉ោម ព្រោះឧស្ម័នអេទីឡែន (Ethylence) ដែលភាយចេញពីផ្លែប៉ោម នឹងធ្វើឲ្យការ៉ុតមានរសជាតិល្វីង៕
No comments:
Post a Comment