ទិន្នន័យបង្ហាញ្ញថា ការប្រើប្រាស់គ្រាប់ថ្នាំបំពេញបន្ថែមកាល់ស្យូមលើអ្នកជំងឺមហារីកក្រពេញប្រូស្តាត ពុំធ្វើឱ្យឆ្អឹងរឹងមាំជាងមុនឡើយ តែនៅធ្វើឱ្យកើនគ្រោះថ្នាក់កើតជំងឺបេះដូង និងបង្កលក្ខណៈឱ្យជំងឺមហារីក រីកចម្រើន។
រាល់ឆ្នាំ នៅអង់គ្លេស មានអ្នកជំងឺតិចបំផុត ៥.០០០នាក់ កើតមហារីកក្រពេញប្រូស្តាត ព្យាបាលអ័រម៉ូន ក្នុងនោះមានការបំពេញបន្ថែមកាល់ស្យូម។ វិធីសាស្ត្រនេះ រារាំងការផលិតអ័រម៉ូនបុរស ប៉ុន្តែវាក៏ធ្វើឱ្យកើនគ្រោះថ្នាក់បាក់ឆ្អឹង។
ពួកអ្នកស្រាវជ្រាវនៅមជ្ឈមណ្ឌលWake Forest Baptist Medical Center នៅ Carolina ខាងជើង(អាមេរិក) បានពិនិត្យមើលការណែនាំបំពេញបន្ថែមកាល់ស្យូម និងវីតាមីន D, ទន្ទឹមនោះវាស់ដង់ស៊ីតេឆ្អឹង មុននិងក្រោយ ពេលអ្នកជំងឺត្រូវបានឱ្យព្យាបាលអ័រម៉ូន។ លទ្ធផលក្រោយពេលអ្នកជំងឺប្រើ កាល់ស្យូមតាមវេជ្ជបញ្ជា ឆ្អឹងត្រូវ "ស្ពោត" ទៅៗ ។
លោក Mridul Datta ប្រធានក្រុមស្រាវជ្រាវ បានឱ្យដឹងថា "ផឹកកាល់ស្យូម ឬបំពេញ្ញបន្ថែមវីតាមីន D ដើម្បីទប់ស្កាត់ការថយចុះដង់ស៊ីតេឆ្អឹង ស្តាប់ទៅហាក់សមហេតុផលដល់ថ្នាក់គ្មាននរណាចោទជាសំណួរថា តើវិធីសាស្ត្រនេះមានប្រសិទ្ធភាពឬអត់?"។
លោកបានបន្តថា"យើងខ្ញុំប្រើប្រាស់ទិន្នន័យទាំងឡាយដើម្បីកំណត់មើលតើកាល់ស្យូម និងវីតាមីន D អាចទប់ស្កាត់បាតុភូតបាក់ឆ្អឹងចំពោះអ្នកជំងឺឬទេ? ចម្លើយគឺ "ទេ" ៕
No comments:
Post a Comment