វ៉ាស៊ីនតោនៈ យោងតាមគេហទំព័រ សិង្ហបុរី “Channel News Asia” ចុះផ្សាយនៅ ថ្ងៃទី១៧ ខែកក្កដា ឆ្នាំ២០១២ ថា សហរដ្ឋអាមេរិកបាន អនុម័ត លើការ ប្រើប្រាស់ ឱសថ ត្រូវ៉ាដា “Truvada” សម្រាប់ទប់ ស្កាត់វីរុសហ៊ីវ “HIV” ។
លេខាធិការដ្ឋានផ្នែកឱសថ និងចំណីអាហារសហរដ្ឋអាមេរិក បានឱ្យដឹងថា ក្រុមអ្នកច្បាប់ សហរដ្ឋអាមេរិក បានប្រកាសឱ្យដឹងនៅ ថ្ងៃចន្ទម្សិលមិញ ថា ឱសថ Truvada ដែលផលិត ឡើងដោយ វិទ្យាសាស្ដ្រ ហ្គីលីដ នៅរដ្ឋកាលីហ្វ័រនីញ៉ា ត្រូវបានដាក់ឱ្យប្រើប្រាស់ ជាលើកដំបូង ដើម្បីទប់ស្កាត់ ការ រីករាលដាល របស់វីរុស ហ៊ីវ ។
លេខាធិការដ្ឋានខាងលើបានបញ្ជាក់ថា “Truvada ត្រូវបានគេយកមក ប្រើប្រាស់ដើម្បី បង្ការរោគ ជាមុន ដោយគេដាក់បញ្ចូលគ្នា លើការអនុវត្ដន៍ ក្នុង ពេលរួមភេទ ព្រោះ វីរុសហ៊ីវ ជ្រៀតចូល យ៉ាងខ្លាំង តាមរយៈ មធ្យោបាយមួយនេះ ។ ឱសថ Truvada ត្រូវបានអនុម័តឱ្យ ចេញវេជ្ជបញ្ជា ប្រើប្រាស់ ជា លើកដំបូង” ។
គួរបញ្ជាក់ថា Truvada ត្រូវបានគេបែងចែកនៅលើទីផ្សារសហរដ្ឋអាមេរិក គិតចាប់តាំងពី ឆ្នាំ២០០៤ ហើយវាដើរ តួក្នុងការព្យាបាល ការជ្រៀតចូល របស់ វីរុសហ៊ីវ ហើយត្រូវបានគេ ប្រើប្រាស់ លាយជា មួយប្រភេទឱសថ ប្រឆាំង នឹងការរីករាលរាល របស់វីរុសនេះផងដែរ ។
ទីប្រឹក្សាមួយរូបមកពីលេខាធិការដ្ឋានខាងលើបានឱ្យដឹងថា ការអនុម័តឱ្យប្រើប្រាស់ លើឱសថ ប្រភេទ នេះគឺមានការ ជំរុញយ៉ាងខ្លាំងកាលពី ខែឧសភា ម្ល៉េះ ព្រោះថា ឱសថ Truvada ត្រូវបានគេវិនិច្ឆ័យថា ជាប្រភេទឱសថ ដែលអាច ជួយកាត់បន្ថយការឆ្លង រាលដាលវីរុសនេះ ពោលគឺអាច បន្ថយ នូវហានិភ័យ ដល់បុរសប្រមាណ ៤៤-៧៣ភាគរយ ។
ឱសថប្រភេទនេះ ត្រូវបានគេចេះតែពន្យាពេលអនុម័តឱ្យប្រើប្រាស់ ព្រោះក្រុមអ្នក ស្រាវជ្រាវ យល់ថា វាអាចបង្ក ផលប៉ះពាល់ដល់ ការរួមភេទ ដែល ញ៉ាំងឱ្យ ការរួមភេទប្រឈម នឹងហានិភ័យ និងប៉ះពាល់ ដល់សុខភាព ។
ផ្អែកតាមការសិក្សាមួយដែលចុះផ្សាយដោយ ព្រឹត្ដប័ត្រព័ត៌មានរបស់អង់គ្លេស ផ្នែកឱសថ បានចុះផ្សាយ នៅក្នុងឆ្នាំ២០១០ថា បុរសចំនួន ២,៤៩៩ នាក់ កាន់តែមានសមត្ថភាព ខ្លាំងក្លាលើផ្នែក ផ្លូវភេទ ហើយការជ្រៀតចូល របស់វីរុស ហ៊ីវបង្កជារោគ អេសដ៏ក៏តិចតួច ជាងអ្នកដែលមិនបាន ប្រើប្រាស់ ឱសថ នេះដែរ ៕
No comments:
Post a Comment