ទឹកក្រូច​អាច​ផ្តល់​ភាព​ប្រសើរ​ឡើង​ទៅ​នឹង​ការព្យាបាល​ជំងឺ​មហារីក​

យោង​តាម​ការស្រាវជ្រាវ​មួយ​ទៅលើ​អ្នក​ដែល​មាន​ជំងឺ​មហារីក​ដែល​មិន​ព្យាបាល​បាន​, ការ​ផឹក​ទឹកក្រូច​២៣២​មី​លី​លីត្រ​ក្នុង​មួយ​ថ្ងៃ​ជម្រុញ​ប្រសិទ្ធភាព​នៃ​ថ្នាំ​ដែល​ពួកគេ​បាន​ប្រើប្រាស់​អំឡុងពេល​នៃ​ការស្រាវជ្រាវ​។​

ទោះបីជា​អ្នកចូលរួម​មួយចំនួន​បាន​ធ្វើ​ការឆ្លើយតប​យ៉ាងណាក្តី​, ប៉ុន្តែ​ដុំ​សាច់​មិន​បាត់​នោះ​ទេ​បន្ទាប់​ពី​ប្រើប្រាស់​ថ្នាំ​ដែល​ត្រូវបាន​គេ​ប្រើ​ដើម្បី​ព្យាបាល​លក្ខខ័ណ្ឌ​ដែល​ទាក់ទង​នឹង​ជំងឺមហារី​កនោះ​។ ការស្រាវជ្រាវ​បាន​រកឃើញថា ទឹកក្រូច​អាច​អនុញ្ញាតអោយ​ប្រើប្រាស់​ថ្នាំ​កម្រិត​មួយ​ទាប​, លើសពី​នេះ​វា​បន្ថយ​ការ​ជះ​ឥទ្ធិពល​របស់​ថ្នាំ និង​តម្លៃ​ផងដែរ​។​



Sirolimus (Rapamune) គឺជា​ថ្នាំ​បន្ថយ​ប្រព័ន្ធ​ភាព​ស៊ាំ និង​មិន​ត្រូវបាន​អនុម័ត​អោយ​ប្រើ​ជា​ថ្នាំ​សម្រាប់​ជំងឺមហារីក​នោះទេ​។​

អ្នកស្រាវជ្រាវ​បាន​សម្គាល់​ឃើញថា វា​ក៏​ត្រូវបាន​គេ​ប្រើប្រាស់​ដើម្បី​ព្យាបាល​ជំងឺ​ស្បែក​របក​ក្រហម​ផង​ដែរ​។​

ការស្រាវជ្រាវ​ដំបូង​មួយចំនួន​បាន​បង្ហាញថា Sirolimus អាច​មាន​ប្រសិទ្ធភាព​ប្រយុទ្ធប្រឆាំង​នឹង​ដុំ​សាច់​។ ខ្សែស្រឡាយ​នៃ​ថ្នាំ​នោះ​ក៏​ត្រូវបាន​គេ​ប្រើប្រាស់​ក្នុង​ជំងឺមហារីក​តម្រងនោម និង​ជំងឺមហារីក​សុដន់​ផងដែរ​។​

យ៉ាងណាមិញ​, ថ្នាំ​នោះ​មាន​ភាព​សាយ​ភាព​ខ្សោយ​ដែល​មាន​ន័យ​វា ខ្លួន​មិន​អាច​ប្រើប្រាស់​វា​ដោយ​មាន​ប្រសិទ្ធភាព​នោះ​ទេ​។ វេជ្ជបណ្ឌិត អេក​រ៉ា កូ​ហ៊េន​(Ezra Cohen) ជា​សាស្ត្រាចារ្យ​រង​ខាង​ផ្នែក​វេជ្ជសាស្ត្រ​នៅ​សាកលវិទ្យាល័យ​វេជ្ជសាស្ត្រ Chicago បាន​និយាយថា មានតែ​ប្រហែល​១៤%​ប៉ុណ្ណោះ​នៃ​ថ្នាំ​នោះ​ដែល​ត្រូវ​បាន​ស្រូប​។​

កូ​ហ៊េន​បាន​និយាយថា យើង​បាន​គិតថា ប្រសិនបើ​យើង​អាច​ប្រើប្រាស់​វា យើង​អាច​បង្កើន​ភាព​សាយ​ភាព ដែល​ធ្វើអោយ​វា​ងាយ​មាន​ប្រសិទ្ធភាព​ជាង​មុន​។​

គាត់​បាន​និយាយថា ជាមួយនឹង​ទឹកក្រូច ឬ​ថ្នាំ​ដទៃទៀត​, អ្នកស្រាវជ្រាវ​អាច​បង្កើន​ប្រសិទ្ធភាព និង​បន្ថយ​កម្រិត​នៃ​ថ្នាំ Sirolimus បាន​។​

កូ​ហ៊េន​បាន​និយាយថា នេះ​គឺជា​ភស្តុតាង​ដែល​ថា ទឹកក្រូច​អាច​ត្រូវបាន​គេ​ប្រើប្រាស់​នៅក្នុង​មធ្យោបាយ​នេះ​។​

កូ​ហ៊េន​បាន​និយាយថា យុទ្ធវិធី​ដូចគ្នា​នឹង​មាន​ប្រសិទ្ធភាព​លើ​ថ្នាំ​នៃ​ជំងឺមហារីក​ដទៃទៀត និង​អាច​បន្ថយ​តម្លៃ​ផងដែរ​។​

ទោះជា​យ៉ាងណា​ក៏ដោយ​, កូ​ហ៊េន​បាន​ព្រមាន​ថា មនុស្ស​គ្រប់រូប​មិនគួរ​ធ្វើ​ការពិសោធន៍​ចា​មួយ​នឹង​ទឹកក្រូច​ដើម្បី​បង្កើន​អានុភាព​នៃ​ថ្នាំ​របស់​ពួកគេ​នោះទេ​។ គាត់​បាន​និយាយថា ប្រសិទ្ធភាព​នឹង​មាន​ផ្សេងៗ​ពី​គ្នា​ជាមួយនឹង​ថ្នាំ​នីមួយៗ និង​ប្រភេទ​នៃ​ទឹក​ផ្លែ​ឈើ​ដែល​ត្រូវ​ផឹក​។ នេះ​ត្រូវការ​ការស្រាវជ្រាវ​បន្ថែមទៀត​។​

ការស្រាវជ្រាវ​ត្រូវ​បាន​ចេញផ្សាយ​នៅ​ក្នុង Clinical Cancer Research​។​

ក្រុម​របស់កូ​ហ៊េន​បាន​ពិនិត្យ​ទៅលើ​អ្នកជំងឺ​ជិត​១៥០​នាក់​ដែល​មាន​ជំងឺមហារីក​ដែល​មិន​អាច​ព្យាបាល​បាន​ដោយសារ​តែ​ការព្យាបាល​មិនមាន​ប្រសិទ្ធភាព​។​

អ្នកជំងឺ​មួយចំនួន​ត្រូវបាន​គេ​អោយតែ​ថ្នាំ Sirolimus តែមួយ​មុខ​, អ្នកដទៃ​ទៀត​ត្រូវបាន​អោយ​ថ្នាំ Sirolimus គួបផ្សំ​នឹង​ទឹកក្រូច ហើយ​អ្នក​ផ្សេង​ទៀត​ត្រូវបាន​អោយ​ថ្នាំ​នោះ​ជាមួយនឹង​ថ្នាំ Ketoconazole (Nizoral) ដែល​ត្រូវបាន​ប្រើប្រាស់​ដើម្បី​ព្យាបាល​ការឆ្លង​មេរោគ​ផ្សិត​។​

កម្រិត​ថ្នាំ​ដែល​មាន​ប្រសិទ្ធភាព​បំផុត​នៃ​ថ្នាំ Sirolimus គឺ​ប្រហែល​៩០​មី​លី​ក្រាម​ក្នុង​មួយ​សប្តាហ៍ ប៉ុន្តែ​កម្រិត​លើសពី​៤៥​មី​លី​ក្រាម គឺ​មាន​ការជះឥទ្ធិពល​របស់​ថ្នាំ​ដែល​មាន​ដូចជា ចង្អោ​រ និង​រាគ​ជាដើម​។ អ្នកស្រាវជ្រាវ​បាន​និយាយថា អ្នកជំងឺ​ដែល​ប្រើប្រាស់​ថ្នាំ​តែមួយ​មុខ​គឺ​អោយ​៤៥​មី​លី​ក្រាម​នៃ​ថ្នាំ​។​

នៅពេលដែល Sirolimus ត្រូវបាន​គេ​អោយ​ជាមួយនឹង Ketoconazole នោះ​, អ្នកជំងឺ​ចាំបាច់​កម្រិត​នៃ​ថ្នាំ​១៦​មី​លី​ក្រាម​ក្នុង​មួយ​សប្តាហ៍​ដើម្បី​ទទួលបាន​ការឆ្លើយតប​នៃ​ថ្នាំ​។ អ្នកជំងឺ​ដែល​ផឹក​ទឹកក្រូច​ត្រូវការ​កម្រិត​នៃ​ថ្នាំ Sirolimus នោះ​គឺ​ចន្លោះ​ពី​២៥ ទៅ​៣៥​មី​លី​ក្រាម​។​

ពួកគេ​បាន​បន្ថែមថា ទឹកក្រូច​បាន​បង្កើន​កម្រិត​ថ្នាំ Sirolimus ដល់​ទៅ​៣៥០% និង Ketoconazole បាន​បង្កើន​កម្រិត​ថ្នាំ​បាន​ដល់​៥០០%​។​