ការហាត់ប្រាណ ក្រៅពីជួយឲ្យសុខភាពល្អហើយ ថែមទាំងជួយកាត់បន្ថយការឈឺក្បាលមួយចំហៀង (ប្រកាំង) បានផងដែរ។យោងតាមការស្រាវជ្រាវដែលចុះផ្សាយក្នុងព្រឹត្តិបត្រ Cephalagia បានបញ្ជាក់ថា ការហាត់ប្រាណបែបអេរ៉ូប៊ិក ជាប្រចាំអាចជួយការពារឈឺក្បាលប្រកាំង (Migraine) បានល្អ ប្រហាក់ប្រហែលនឹងការប្រើថ្នាំដែរ។
អ្នកជំនាញ និងក្រុមស្រាវជ្រាវពីសាកលវិទ្យាល័យ ហ្គតថិនប៊ិក(University of Gotheburg) បានបញ្ជាក់ថា ការប្រើថ្នាំការពារកន្ទ្រាក់ ការបន្ធូរភាពតានតឹង និងការហាត់ប្រាណ សុទ្ធតែមានផលប្រហាក់ប្រហែលគ្នា ក្នុងការកាត់បន្ថយការឈឺចាប់ដែលកើតពីការឈឺក្បាលប្រកាំង ហើយទោះបីជាការប្រើថ្នាំល្អជាង ក្នុងការកាត់បន្ថយការឈឺចាប់ ប៉ុន្តែក្រុមអ្នកស្ម័គ្រចិត្តដែលប្រើថ្នាំ ៣៣% កើតផលប៉ះពាល់ដូចជា វិលមុខ ទល់លាមក ល្ហិតល្ហៃ ឬកើតជំងឺសោកសៅ និងរកឃើញថា ការហាត់ប្រាណមានផលល្អខ្លាំង ចំពោះអ្នកជំងឺឈឺក្បាលប្រកាំង ដែលតែងតែរកមធ្យោបាយ មិនប្រើថ្នាំក្នុងការព្យាបាល៕
No comments:
Post a Comment