ការរួមភេទ មិនត្រឹមតែធ្វើឲ្យអ្នកទាំងពីរជិតដិតនឹងគ្នា និងមានសុភមង្គលកាន់តែខ្លាំងនោះទេ តែវាមានប្រយោជន៍ច្រើនចំពោះសុខភាព ប្រសិនបើរួមភេទត្រូវធ្វើឡើងដោយទៀតទាត់ សុវត្ថិភាព និងបែបវិទ្យាសាស្ត្រ។១-ល្អសម្រាប់សុខភាព: រឿងលើគ្រែធ្វើឲ្យយើងស្និទ្ធស្នាលគ្នាជាងមុន ព្រមទាំងអាចជួយលើកកម្ពស់ផ្នែកសុខភាពទៀតផង។ ការរួមភេទ ជួយឲ្យរសាយបាត់ភាពតានតឹង ក្រោយពីបំពេញការងារហត់នឿយនាពេលថ្ងៃ វាជួយឲ្យគេងលក់ស្កប់ស្កល់ ហើយក៏ជួយទប់ស្កាត់ជំងឺផ្តាសាយស្រាលៗ និងជាឱសថបន្ថយការឈឺចាប់ដ៏មានប្រសិទ្ធភាពចំពោះមនុស្សដែលមានជំងឺឈឺក្បាលរ៉ាំរ៉ៃ។
២-សុភមង្គលនិងមានអាយុវែង: ការរួមភេទជួយឲ្យស្វាមីភរិយា ពន្យារបានរយៈពេលវែងសម្រាប់ជីវិត។ តាមការពិសោធន៍នៃមហាវិទ្យាល័យបីស្តូល ប្រទេសអង់គ្លេស បានបង្ហាញថា ក្នុងចំណោមបុរស ៩១៨ នាក់ មានវ័យពី ៤៥-៥៩ ឆ្នាំ បណ្តាបុរសដែលបានរួមភេទដល់កម្រិតកំពូលចាប់ពី ២ ដង ក្នុងមួយសប្តាហ៍ គឺមានអាយុវែងជាងបុរស ដែលរួមភេទតិចជាងមួយដង ក្នុងមួយសប្តាហ៍។
៣-ការពារ“អាវុធ”: ការពិសោធន៍មួយបានបង្ហាញថា ស្ត្រីវ័យកណ្តាលនិងចៀសផុតពីការរលាក និងឆ្លងវីរុសនៅលើប្រដាប់ភេទ ប្រសិនបើមានការរួមភេទលើសពី ៣ ដង ក្នុងមួយខែ។ ម្យ៉ាងទៀត ស្ត្រីដែលមានទម្លាប់ធ្វើសកម្មភាពផ្លូវភេទទៀតទាត់ នឹងធ្វើឲ្យអ័រម៉ូនផ្លូវភេទ របស់ស្ត្រីដំណើរការក្នុងរាងកាយបានល្អ និងជួយការពារកោសិការលើប្រដាប់ភេទផងដែរ។
ចំពោះបុរសវិញ ការបញ្ចេញទឹកកាម មិនត្រឹមតែជួយធ្វើឲ្យមុខងារផ្លូវភេទបានល្អប៉ុណ្ណោះទេ វានៅជួយកាត់បន្ថយឱកាសកើតមហារីកក្រពេញប្រូស្តាតទៀតផង។ ការពិសោធបង្ហាញថា បុរសដែលបញ្ចេញទឹកកាមបាន ២១ ដង ក្នុងមួយខែ គឺមានគ្រោះថ្នាក់ដោយមហារីកក្រពេញប្រូស្តាត ៣៣ ភាគរយ តិចជាង បើធៀបនិងបុរសដែលបញ្ចេញទឹកកាមពី ៤-៧ ដង ក្នុងមួយខែ ។
៤-ធ្វើឲ្យអ័រម៉ូនមានតុល្យភាព: ស្ត្រីដែលបានរួមភេទ តិចបំផុតក្នុងមួយសប្តាហ៍ គឺតែងមានរដូវទៀតទាត់ មានសាច់មានឈាម និងមានអ័រម៉ូនផ្លូវភេទច្រើនជាងស្ត្រីដែលមិនសូវរួមភេទ។ ដូច្នេះការរួមភេទជាមួយមនុស្សដែលខ្លួនស្រលាញ់ មិនត្រឹមតែជួយឲ្យមានសុភមង្គលតែម្យ៉ាងនោះទេ តែវានៅជួយឲ្យរាងកាយបានរឹងមាំ ខួរក្បាលស្រស់ថ្លា និងក្មេងបានយូរ៕
No comments:
Post a Comment