១-ប្តូរពីការបរិភោគអង្ករ ស (សម្រិត) មកជាអង្ករសម្រូប នំប៉័ង ស មកជានំប៉័ងហូលវីត (បន្ថែមកន្ទក់) យ៉ាងតិចមួយកំណាត់។
២-ប្តូរពីការផឹកទឹកផ្លែឈើកំប៉ុង មកជាផ្លែឈើស្រស់ដែលមិនផ្អែមពេក។
៣-ប្តូរពីការផឹកទឹកផ្លែឈើ មកជាទឹកបន្លែ ដូចជាទឹកប៉េងប៉ោះជាដើម។
៤-យកអាហារ មានកាកសរសៃ ដូចជា បន្លែ សណ្តែក ផ្សិត ល្ង ។ល។ មកលាយក្នុងបាយបរិភោគ។
៥-ផ្លាស់ប្តូរពីការហូបអាហារគ្មានខ្លាញ់ មកជាអាហារមានខ្លាញ់ទាប ដែលជួយធ្វើឲ្យការរំលាយអាហារយឺតជាងមុន។
៦-ផ្លាស់ប្តូរពីការបរិភោគអាហារ ៣ពេលដែលច្រើនៗ មកជាការបរិភោគអាហារបន្តិចបន្តួចវិញ ដោយក្នុងមួយថ្ងៃ ឲ្យបាន ៤ ទៅ ៥ ពេល។
៧-បរិភោគអាហារឲ្យយឺតជាងមុន។ តាមការសិក្សាស្រាវជ្រាវ គេបានរកឃើញថា ក្រុមមនុស្សដែលបរិភោគអាហារលឿន មានកម្រិតជាតិស្ករខ្ពស់ជាង ក្រុមមនុស្សដែលបរិភោគអាហារយឺត ទំពារបានម៉ដ្ឋល្អ។
៨-បរិភោគអាហារដែលមានប្រូតេអ៊ីន ដូចជា ស៊ុត សណ្តែក ទឹកដោះគោ ខ្លាញ់ទាប សណ្តែកសៀង តៅហ៊ូ ត្រីសាច់។ល។ ដើម្បីជួយឲ្យការរំលាយអាហារយឺត។
៩-ធ្វើការបញ្ចេញកម្លាំង ហាត់ប្រាណជាប្រចាំ។ តាមការសិក្សាស្រាវជ្រាវកន្លងមក បានរកឃើញថា ក្រោយពេលបញ្ចេញកម្លាំង សាច់ដុំនឹងទាញយកសារជាតិស្ករពីឈាម ដែលជួយឲ្យកម្រិតជាតិស្ករ ទាបចុះបានរយៈពេល ៣០នាទីរហូតដល់ ១០ម៉ោង (អាស្រ័យការបញ្ចេញកម្លាំង និងការហាត់ប្រាណបាន យូរប៉ុនណា)។១០-បញ្ចេញកម្លាំងដោយការទាញកៅស៊ូយឺត លើកទម្ងន់ ឡើងចុះជណ្តើរ ។ល។ ដើម្បីជួយឲ្យកម្លាំងសាច់ដុំកើនឡើង។
នៅពេលសាច់ដុំរឹងប៉ឹង អាចជួយដុតបំផ្លាញសារជាតិស្ករបានពេញមួយថ្ងៃ។ សាច់ដុំដែលមិនស្ពឹកស្រពន់ មានភាពរហ័សរហួន ជាពិសេសអាចកម្ចាត់សារជាតិពុលបានមួយចំនួនទៀតផង។
No comments:
Post a Comment